Хятадын Шинжлэх ухааны академи гишүүд нь баримтлах ёстой журмыг шинэчлэн гаргажээ. Энэ журамд үзэл бодлоо илэрхийлэхтэй холбоотой заалт багтсан гэж SCMP сонин мэдээлсэн байна. 

Эх сурвалжийн мэдээлснээр, журамд зааснаар ШУА-ийн гишүүд өөрсдийнх нь судладаг салбарт хамааралгүй сэдвээр олон нийтийн өмнө санаа бодлоо эрхлэхийг хоригложээ. Түүнчлэн мэргэжлийн салбартай нь холбоогүй зөвлөгөөн, үнэлгээ өгөх ажилд оролцохыг ч хориглосон байна. Үүний зэрэгцээ эрдэмтэд дээдсийн хүрээллийн ажил хэрэгч оройн зоог, академич цол олгодог академик бус байгууллага байгуулахад оролцох эрхгүй болжээ. Мөн эрдмийн зэрэг цолоо ашиг хонжоо олохыг хориглосон байна. 

Хятадын Шинжлэх ухааны академи сүүлийн есөн жилийн хугацаанд анх удаа журмаа өөрчилж байгаа нь энэ юм. Хятадад академич цол нь эрдмийн хамгийн дээд зэрэг цол. Энэ улсын ШУА нь дэлхийд томоохонд тооцогддог судалгааны байгууллага бөгөөд ШУА-ийн бүрэлдэхүүнд 100 хүрээлэн, гурван их сургууль, 69 мянган ажилтан, 79 мянган аспирант багтдаг аж. 

Г.Бямбасүрэн