Rolling Stones хамтлаг сүүлийн 18 жилийн хугацаанд анх удаагаа шинэ цомог гаргахаар болжээ. Энэ хамтлагийнхан Hackney Diamonds нэртэй цомгоо Лондон хотын Hackney Empire театрт шинэ цомгоо сэтгүүлчдэд танилцуулсан байна.

Энэ цомогт багтсан ганцхан дууг одоо сонсох боломжтой бөгөөд Angry сингл бүхий л стримингүүдээр тархсан. Хөгжмийн зарим шүүмжлэгчид энэ дууг сүүлийн 40 жилд гаргасан тус хамтлагийн хамгийн шилдэг сингл хэмээн нэрлэсэн юм. Харин 12 дуунаас  бүрдэх бүтэн цомог 10 дугаар сарын 20-ны өдөр худалдаанд гарах аж.

Лхагва гарагт болсон цомог танилцуулах арга хэмжээнд хамтлагт үлдсэн гурван гишүүн болох Кит Ричардс, Ронни Вуд, Мик Жаггер нар бүгд оролцсон байна. Хамтлагийн дөрөв дэх гишүүн Чарли Уоттс 2021 онд 80 настайдаа хоолойн хавдрын улмаас таалал төгссөн юм.

Г.Бямбасүрэн