Африкийн зэрлэг заанууд тусгай, өвөрмөц дуудлагаар нэгнээ дуудаж тусламж гуйж чаддаг гэдгийг эрдэмтэд судлан тогтоожээ. 

Энэ нь хүмүүс нэгнээ нэрээр нь дууддагтай адил бөгөөд зөвхөн хүн л ингэж чаддаг гэсэн ойлголт энэ судалгаа гарах хүртэл бат бөх оршсоор байв. Судлаачид Кенийн хоёр бүс нутагт байх зэрлэг заануудын дуу авиаг судлах явцдаа 625 дуудлагыг судласнаас 597 нь нэг бүлийн гишүүдийн дуудлага байжээ. 

Судалгааны хүрээнд заануудын гаргаж буй дуу авианы акустик шинж чанаруудыг хэмжиж, ийм авиа нь тодорхой заанд чиглэгдсэн дуудлага мөн эсэхийг тогтоохын тулд хэдэнтээ туршилт хийсэн байна. Туршилтын явцад 17 заанд хандсан дуудлагыг хальснаа бичиж аван, энэ дуу бичлэгийг тэдгээр заанд сонсгоход тэд ойртон ирж байсан гэнэ.  Ингээд судалгааны дүнд заанууд нэгэндээ хандан дуу авиа гарган дууддаг нь тогтоогджээ.

Г.Бямбасүрэн