Есдүгээр сарын 12-ноос өмнө таван астероид дэлхийд ойртон ирэх гэнэ. Энэ талаар Америкийн НАСА агентлагийн сайт дээр мэдээлжээ. 

Хамгийн эхэнд, есдүгээр сарын зургааны өдөр нэг астероид дэлхийд ойртон ирэх аж. Энэ тэнгэрийн биет байшинтай дүйхүйц хэмжээтэй, дэлхийгээс 5,11 сая километр зайд ойртон ирэх юм байна. Дараагийн хоёр астероид нь онгоц болон автобусны хэмжээтэй дүйхүйц байх бөгөөд тэдгээр нь есдүгээр сарын наймны өдөр, дэлхийгээс 4,08 сая болон 5,72 сая километр зайд ойртон ирэх аж.

Мөн онгоцны хэмжээтэй дүйхүйц хоёр астероид есдүгээр сарын 10-ны өдөр манай гарагт ойр ирэх юм байна. Эдгээр нь 1,52 сая болон 2,66 сая километр зайд ойртон ирнэ гэж НАСА мэдээлжээ.

Г.Бямбасүрэн