Олон нийтийн мэддэг  “Хөдөө аж ахуйн давхар даатгал” ХК нь 2018 оноос Үндэсний давхар даатгалын компани нэртэйгээр үйл ажиллагаа явуулж буй. Төрийн болон орон нутгийн өмчит, өмчийн оролцоотой компани юм. 

Төрийн нэрийн дор үйл ажиллагаа явуулдаг компаниуд ихэнх нь сүүлийн жилүүдэд хотын төвийн барилгуудад төвхнөж, сардаа хэдэн арван саяын түрээс төлдөг. Энэ жишгээр Үндэсний давхар даатгал ч мөн тойрсонгүй. Сүхбаатар дүүрэгт Business Tower-т байрлаж, сардаа 16 сая төгрөг, жилдээ 200 гаруй сая төгрөгийг түрээсийн төлбөртөө Сэрүүлэг Констракшн ХХК руу шилжүүлдэг. Багагүй хэмжээний түрээс төлдөг оффистоо Үндэсний давхар даатгалын компанийнхан засвар хийлгэжээ. Тодруулбал, өнгөрсөн хавар буюу 2023 оны тавдугаар сард 48 сая төгрөгөөр засвар хийлгэхээр тус компанийн Гүйцэтгэх захирал Б.Жавхлант Өнөших Трейд компаний гэрээлсэн байна.

Ингэхдээ оффисынхоо дотор будаж, ажилчдын амралтын хэсгийн ханыг орчин үеийн интерьер дизайнтай тохижуулж, ажилчдын хувцасны шүүгээ буюу цоожтой локер хийх, паркетаа сольж, мэдрэгчтэй угаалтуур, суултуур авч тавих зэрэг 14 ажлын жагсаалтыг гаргасан байгааг Шилэн дансны мэдээллээр харж болно