Есдүгээр сарын гуравны өглөө Оросын Санкт-Петербург хотноо дэлбэрэх чимээ сонсогджээ. Улмаар төмөр замын өртөөнөс холгүйхэн "Ручья" газрын тосны бааз орших нутаг дэвсгэр дээр гал гарсан гэж Фокус сонин мэдээлжээ. 

"Ручья" газрын тосны бааз байрладаг бүсэд томоохон гал түймэр гарлаа. Гал гарч байгаа хэсгээс дэлбэрэх чимээ сонсогдсон гэж оршин суугчид мэдээлсэн" хэмээн эх сурвалж дамжуулсан байна. ОХУ-ын Онцгой байдлын яамны мэдээлснээр, гал түймэр ангарт гарсан, цааш тархахх эрсдэл байхгүй гэнэ. Гал гарсан хэсэгт хийн баллон болон шатахуун хадгалдаг байсан гэж орон нутгийн оршин суугчид мэдээлжээ.

Реадовка сонины мэдээлснээр, түлштэй нэг цистерн шатсаны улмаас гал түймэр гарсан байж болзошгүй гэнэ. Гал 800 квадрат метр талбайг бүрхсэн, авто засварын газар гал гарсан бөгөөд шатаж байсан ангар газрын тосны баазын хажууд байсан гэнэ.

Г.Бямбасүрэн