ОХУ-ын Амур мужийн 39 сургуульд хятад хэлийг үнэ төлбөргүй заахаар болжээ. Энэ талаар мужийн захиргаанаас авсан эх сурвалжтайгаар Коммерсант агентлаг дамжуулсан байна. 

Амур мужийн засгийн газрын мэдээлснээр, тус мужийн сурагчдад хятад хэлний ярианы хичээлийг үнэ төлбөргүй заах төсөл өнгөрсөн онд Благовещенск хотоос эхэлжээ. Харин энэ онд бусад хотууд нэмэгдэж, нийтдээ 39 сургуульд хятад хэлний хичээлийг заахаар болсон байна. 

Одоо энэ мужид 217 ангийн сурагч хятад хэл судлаж байгаа гэнэ. Хилийн бүсийн оршин суугчдын хувьд хятад хэлний мэдлэгтэй байх нь ихээхэн давуу тал болж байгааг Амур мужийн захирагч Василий Орлов онцолжээ. 

Г.Бямбасүрэн