Лхагва гарагийн үдэш ОХУ-д "Вагнер" группийн эзэн Евгений Пригожиний онгоц сүйрч, зорчиж явсан бүх хүн амиа алдсан талаар бид өмнө нь мэдээлсэн. 

ВИДЕО: Пригожин онгоцны ослоор амиа алджээ

Хувийн онгоц Тверь мужид осолдсон газраас Евгений Пригожиний гар утас олдсон гэж Аль Жазира телевиз мэдээлсэн байна. Энэ сувгийн мэдээлснээр, Пригожиний гар утас олдсон талаарх мэдээллийг "Вагнер" хувийн цэргийн компани дахь эх сурвалж өгсөн аж.

Түүнчлэн, Пригожиний цогцосыг таниулах ажил одоогоор хийгдээгүй байгааг эх сурвалж онцолсон байна. Мөн Евегений Пригожин амиа алдсаныг батлах албан ёсны мэдээлэл ч одоо хүртэл гараагүй байгаа юм.

Лхагва гарагийн үдэш осолдсон хувийн онгоцны зорчигчдын нэрсийн жагсаалтад Евгений Пригожиний нэр байсан гэдгийг Оросын Агаарын тээврийн газар мэдээлсний араас Оросын хэд хэдэн хэвлэл ослоор Пригожин болон Уткин нар амиа алдсан хэмээн мэдээлж байв.

Г.Бямбасүрэн