Хятадад заан гурван килограм орчим хар тамхи олсон хэрэг гарчээ. Энэ талаар South China Morning Post сонин мэдээлсэн байна.

Эх сурвалжийн мэдээлснээр, Юньнань мужийн Мэньмань сууринд дөрвөн зэрлэг заан тосгоноор тэнүүчилж байна гэсэн дуудлагын хилийн цагдаагийн алба хүлээн авчээ.  Тэд газар дээр нь очиход нэг заан байрандаа зогсон, хэсэг газрыг үнэрлэж байгаад өвсөн дундаас нэгэн үүргэвч гарган шидсэн байна. Энэ үүргэвчин дотор хар тамхи байжээ.

Юньнань муж Хятадын баруун өмнөд хэсэгт, хар тамхины наймаа цэцэглэдэг "алтан гурвалжин" гэгддэг Лаос, Мьянма, Тайландын хилийн орчимд оршдог аж. 2019 оны мэдээллээр, нийт хар тамхины 80 хувь нь эдгээр орноос Хятад руу зөөвөрлөгддөг гэнэ. 

Г.Бямбасүрэн