Украин болон өөр 34 орон "Шударга спортын төлөө" олон улсын эвсэл байгуулсан гэж Украины Ерөнхий сайд Денис Шмыгаль мэдэгдсэнийг УНИАН дамжуулжээ. 

Энэ эвсэл нь Орос, Беларусийн тамирчдыг олимпод оролцуулахгүй байх зорилготой бөгөөд энэ хоёр орны тамирчид олимпод оролцохоор бол эвслийн гишүүд 2024 онд болох Парисын Олимпын наадмыг бойкотлоход бэлэн гэж Денис Шмыгаль мэдэгдсэн байна. 

"ОХУ, Беларусийн тамирчдыг тэмцээнд оролцуулахаар болвол бид хамтдаа Парисын Олимпын наадмыг бойкотлоход бэлэн. Олон улсын олимпын хороо зөв шийдвэр гаргаж, түрэмгийлэгчийг Олимпын наадмаас хасна гэж найдаж байна" хэмээн Денис Шмыгаль мэдэгджээ. Дайн эхэлснээс хойш Украины 340 тамирчин, дасгалжуулагч амиа алдаж, 343 спортын объект эвдэрч, сүйтгэгдсэн гэдгийг тэрбээр мөн онцолсон байна. 

Энд дуулгахад, Олон улсын олимпын хорооны Гүйцэтгэх хороо Украин дахь Оросоын ажиллагааг эсэргүүцэж буй орос тамирчдыг хөндлөнгийн статустайгаар тэмцээнд оруулахыг зөвлөсөн шийдвэрийг гуравдугаар сарын 28-ны өдөр гаргаж байв. Үүний дараа Украины тал Орос, Беларусийн тамирчид хөндлөнгийн статусаар оролцож байгаа тэмцээн уралдаанд тамирчдаа оруулахыг зөвшөөрсөн бол орос, беларусьчууд өөрсдийн далбаан дор оролцох тэмцээнд украин тамирчдыг оролцохыг хориглосон юм.

Г.Бямбасүрэн