Бүгд Найрамдах Киргиз Улсын Ерөнхийлөгч Садыр Жапаров гэргий Айгуль Жапаровагийн хамтаар манай улсад айлчилж байна. Тэд долдугаар сарын есөнд "Чингис хаан" олон улсын нисэх буудалд газардсан юм. 

Киргизийн Ерөнхийлөгчийн захиргаа Садыр Жапаровын айлчлалын талаарх мэдээллийг нийтлэхдээ Монголын тал хэрхэн угтаж авсныг онцолжээ. БНКУ-ын Ерөнхийлөгч болон тэргүүн хатагтайг нисэх буудал дээр хэрхэн угтаж авсныг харуулах гэрэл зургуудыг Киргизийн Ерөнхийлөгчийн захиргаанаас авсан эх сурвалжтайгаар хүргэе.

Киргизийн Ерөнхийлөгч Садыр Жапаров гэргий Айгуль Жапаровагийн хамтаар "Чингис хаан" олон улсын нисэх буудалд долдугаар сарын есний өдөр газардсан юм. 

Тэднийг улаан хивс дэвсэн, үндэсний хувцас өмссөн эмэгтэйчүүд хадаг, мөнгөн аяга барин угтжээ. 

Ерөнхийлөгч Садыр Жапаровыг Монгол Улсын Гадаад хэргийн сайд Батмөнхийн Батцэцэг угтан авлаа.

Киргизийн Ерөнхийлөгчийн цуваа нисэх буудлаас хөдлөж байна. 

БНКУ-ын Ерөнхийлөгч Садыр Жапаров төрийн айлчлалын үеэр дээд түвшний хэд хэдэн уулзалт хийх юм. Мөн Ерөнхийлөгчийн төрийн айлчлалын үеэр зохион байгуулагдах арга хэмжээ Улаанбаатар болон Эрдэнэт хотод болох аж.

Г.Бямбасүрэн