Сальвадорын шүүх тус улсын Ерөнхийлөгч асан Маурисио Фунест татвараас зайлсхийсэн хэргээр зургаан жилийн эчнээ ял оноожээ. Энэ талаар Ройтерс агентлаг дамжуулсан байна. 

Эх сурвалжийн мэдээлснээр, Ерөнхийлөгч асан Маурисио Фунес 2014 он буюу Ерөнхийлөгчийн үүрэгт ажлын хугацаа дууссанаас хойш 85 мянган долларын татвар төлөхөөс зайлсхийсэн хэрэгт буруутгагдсан байна. Түүнд зургаан жилийн эчнээ ял оноосны зэрэгцээ 200 мянган долларын торгууль ногдуулжээ. 

Сальдвадорын Ерөнхийлөгч асан Фунес өдгөө Никарагуагийн иргэн болж, тэндээ амьдардаг юм. Энэ улсын эрх баригчид иргэдээ гадаад оронд шилжүүлэн өгдөггүй тул Фунес ялаа биетээр эдлэх нь эргэлзээтэй байгаа юм.

Г.Бямбасүрэн