Хятадын Коммунист намын People's Daily мэдээллийн агентлаг хиймэл оюун ухаанаар бүтээсэн Рен Сяорун хэмээх эмэгтэй нэвтрүүлэгчтэй болжээ. Энэ талаар Жэнминь жибао сонин мэдээлсэн байна. Рен хөтлөгч дэвшилтэт технологи, татвар хураамж, ажил эрхлэл болон "Бүс ба зам" санаачилгатай холбоотой урьдаас өгөгдсөн сэдвүүдээр ярьж чаддаг аж.

"Сайн байна уу, намайг Рен Сяорун гэдэг. Би бол цахим хөтлөгч. Мянга гаруй хөтлөгч надад мэргэжлийн ур чадвараа өгсөн. Би бүтэн жил, хоногийн туршид амралтгүйгээр мэдээ дамжуулна" хэмээн хөтлөгч өгүүлдэг юм байна.

Рен хиймэл оюун ухаанаар бүтээсэн Хятадын анхны хөтлөгч биш юм. Өмнө нь интернет болон телевизэд 2018 оноос хойш энэ төрүлийн хөтлөгчид бий болжээ. Эхний гурван хөтлөгчийг Синхуа мэдээллийн агентлагийн хоёр эрэгтэй, нэг эмэгтэй сурвалжлагчийн төрх дээр тулгуурлан бүтээсэн  аж. Үүний дараа шинэ технологийн талаарх цэнгээнт хөтөлбөрийг танилцуулдаг Жян Лайлай хэмээх робот нэвтрүүлэгчийг танилцуулсан бол тун удалгүй Синхуа өөр нэг цахим хөтлөгч болох Синь Сяомэнийг ажиллуулах болсон бөгөөд түүнийг мөн л өөр нэг сэтгүүлчийн төрх дээр тулгуурлан бүтээжээ.

Г.Бямбасүрэн