Сакура цэцэглэх улирал эхэлснийг Японд зарлалаа. Энэ талаар Токио дахь Ясукуни сүмд байх тусгай мод цэцэглэж эхэлснээр сакура цэцэглэх улирлыг нээдэг Үндэсний цаг уурын газар гуравдугаар сарын 14-ний өдөр мэдэгдсэн байна.. 

Kyodo агентлагийн мэдээлснээр, сүмд байх тусгай "хяналтын мод"-ны эхний таван цэцэг цоморлигоо нээсний дараа сакура цэцэглэх улирлыг албан ёсоор зарладаг аж. Сакурагийн таван дэлбээт цэцэг нь Японы албан бус үндэсний бэлгэдэлд тооцогддог юм. 

Энэ онд сакура цэцэглэх улирал олон жилийн дунджаас 10 хоногийн өмнө эхэлсэн байна. 1953 оноос хойш сакура цэцэглэх үеийг бүртгэж эхэлсэн бөгөөд тэр үеэс хойш энэ мод цэцэглэсэн хамгийн эрт үе нь угравдугаар сарын 14-ний өдөр болжээ.

Г.Бямбасүрэн