Украины нутаг даяар агаарын түгшүүр зарласан талаар Фокус агентлаг мэдээллээ. Эх сурвалжийн мэдээлснээр, хэд хэдэн бүс нутагт дэлбэрэлт болж, улмаар цахилгаан эрчим хүч тасалдсан байна. 

Украинд агаарын түгшүүрийг шөнө зарласан бөгөөд иргэдийг түгшүүрийн дохиог хайхрахгүй өнгөрөөж болохгүй гэж Украины Ерөнхийлөгчийн захиргааны тэргүүн Андрей Ермак зөвлөжээ. 

Мөн Харьков хотод хэдэнтээ дэлбэрэлт болсон талаар хотын дарга Игорь Терехов мэдэгдсэн байна. Энэ дэлбэрэлтийн дараа хотын зарим хэсэгт цахилгаан эрчим хүчгүй болжээ. ВВС агентлагийн мэдээлснээр, Оросын арми шөнийн цагаар дахин пуужингийн довтолгоо хийсний улмаас ийнхүү дэлбэрэлт болж, оршин суугчид гэрэл цахилгаангүй болсон байна.

Г.Бямбасүрэн