АНУ Хятадад үйлдвэрлэгдсэн боомтын өргөгч кранууд тагнуулын зориулалтаар ашиглагддаг байж болзошгүй хэмээн сэжиглэж байгаа гэнэ.

Тодруулбал, энэ улсад үйлдвэрлэгдпсэн крануудыг тагнуулын мэдээлэл цуглуулах зорилгоор ашигладаг байж болзошгүй гэж Америкийн эрх баригчид санаа зовниж байгаа талаар The Wall Street Journal сонин бичсэн байна. Кранууд нь ачаатай чингэлгүүдийн үүсэл болон хүрэх газрыг хянах мэдрэгчүүдээр тоноглогдсон байдаг юм.

Ийм крануудын тусламжтайгаар Америкийн цэргийн ачааны явах чиглэлийг Хятад улс ажигладаг байж болзошгүй гэж Америкийн цэргийн хүрээллийнхэн сэжиглэж байгаа аж. Түүнчлэн краныг алсын зайнаас удирдах боломжтой, ийм техникүүд Америк даяар, тэр дундаа цэргийн салбарт ч тэнгисийн боомтуудад ашигладаг юм байна.

Хятадад үйлдвэрлэсэн краныг тагнуулд ашигладаг байж болзошгүй гэх энэ мэдээлэл гарсны дараа Вашингтон дахь БНХАУ-ын Элчин сайдын яамны төлөөлөгч мэдэгдэл хийхдээ үүнийг "солиорол" хэмээн энрлэсний дээр худалдааны хамтын ажиллагаанд нөлөөлөх гэсэн оролдлого хэмээн онцолжээ. 

Г.Бямбасүрэн