Ливаны залуу палестинчуудыг Украинтай хийж буй дайнд оролцуулахын тулд Оросын тал хөлсний цэргээр элсүүлэхээр ажиллаж байгаа талаар  The Media Line мэдээлжээ.

Залуусыг хөлсний цэргээр элсүүлж байгаа гэх мэдээллийг Ливаны Засгийн газар дахь нэрээ нууцалсан эх сурвалжаас авсан байна. Эх сурвалжийн өгсөн мэдээллээр, ОХУ-ын Зэвсэгт хүчний эгнээнд элсвэл сард 350 доллар өгнө гэж палестинчуудад амлаж байгаа аж. Харин Сирийн элитийн тасгуудаас цэрэг элсүүлэн, бүлэг байгуулсан бөгөөд тэднийг Донбасс руу илгээхээр бэлтгэж байгаа гэнэ.

Эх сурвалжийн мэдээлснээр, оросууд элсүүлсэн цэргүүдийн ихэнх нь 1969 оноос хойш төрсөн хүмүүс байгаа аж. Тэд Ливанд зохих бүртэлд хамрагдаагүй тул хөлсний цэргээр өөр орон руу явуулахад хялбар байгаа гэнэ.

Эрчүүдийг хөлсний цэргээр элсүүлэх ажлыг Ливан дахь Палестины Элчин сайдын яамтай холбоотой идэвхтнүүд гүйцэтгэж байгаа гэж Ливаны Засгийн газар дахь эх сурвалж өгүүлжээ. 

Оросуудын элсүүлсэн палестинчуудын ихэнх нь Ливан дахь Палестины дүрвэгчдийн томоохон хуаран болох Эйн-аль-Халвад амьдардаг юм байна. Хөлсний цэргээр элсэж, Украин руу дайтахаар явахыг зөвшөөрсөн эрчүүд сар тутам хөлс авахын зэрэгцээ ар гэрийнхэндээ нөхөн төлбөр авсан гэнэ.

Г.Бямбасүрэн