Британийн Хоршем хотын оршин суугч цагдаагийн газар болон түргэн тусламжийн газар руу 2020 оны есдүгээр сараас хойш 7000 гаруй удаа залгаж, хариу өгсөн операторыг доромжилж байсныхаа хариуд хорих ялаар шийтгүүлжээ. Энэ талаар The Mirror мэдээлсэн байна. 

Эх сурвалжийн мэдээлснээр, цагдаа, түргэн тусламж руу залгаж, доромжилж байсан этгээд нь 77 настай Рожер Жексон бөгөөд тэрбээр шүүх дээр гэм буруугаа хүлээжээ. Тэрбээр 2020 оны есдүгээр сараас хойш цагдаа, түргэн тусламжийн операторуудтай ярихад нийт 400 цаг зарцуулсан байна. Шуурхай албадын утас руу байнга ярьж доромжлох болсон түүнд удаа дараа сануулга өгсний эцэст баривчилжээ. 

Түргэн тусламжийн албаны төлөөлөгч Нейтэн Декснерийн өгүүлснээр, Жексон өдөр бүр утасдан, ажилтнуудыг үг хэлээр доромжилж байсан гэнэ. Түүний ганц л дуудлага олон хүний амь насанд аюул учруулж байсан, учир нь түүнийг ярих хүнд тусламж шаардлагатай хүн холбогдох боломжгүй болно гэж тэрбээр онцолжээ.

Г.Бямбасүрэн