Япон улс Оросын 48 иргэн, 73 байгууллагын эсрэг шинээр хориг тавьжээ. Энэ талаар Японы Гадаад хэргийн яам мэдэгдсэнийг Kyodo агентлаг мэдээлсэн байна.
Эх сурвалжийн мэдээлснээр, Японы шинэ хоригт Оросын Батлан хамгаалахын дэд сайд Виктор Горемыкин, "Калашников" концерны тэргүүн Алан Лушников, Оросын Ерөнхийлөгчийн захиргааны дарга, түүний орлогч, Чечений тэргүүн Рамзан Кадыровын хамаатан гэгдэх Турпал-Али Ибрагимов болон Оросоын Зэвсэгт хүчний Ерөнхий штабын хэд хэдэн ажилтан багтжээ. Түүнчлэн Оросын 39 иргэн, 73 байгууллагын хөрөнгийг царцаасан байна.
Хоригт орсон байгууллагуудын дунд "Вагнер" хувийн цэргийн компани, Росбанк, Росстандарт, Росэлектроника, П.Н.Лебедевийн нэрэмжит физикийн хүрээлэн болон Оросын Шинжлэх ухааны академийн хэд хэдэн хүрээлэнгүүд багтжээ.
Г.Бямбасүрэн
| Уншиж байна |