Америкийн Apple корпораци гар утасны апликейшний зах зээл дээр давамгайлагч байр сууриа хэтрүүлэн ашигласан хэргээр Орост 906 сая рубль буюу 12,12 сая ам.долларын торгууль төлжээ.

"Америкийн дуу хоолой" радиогийн мэдээлснээр, AppStore дээр Kaspersky safe Kids программаа байршуулж чадаагүй "Лаборатория Касперского" компани гомдол гаргаснаар 2019 онд Apple корпорацид холбогдуулан монополийн эсрэг хэргийг нээсэн байна. Энэ онд гэхэд л Оросын эрх баригчид Америкийн компанийн эсрэг асар их торгууль тавьж байгаа хоёр дахь тохиолдол нь 12 сая долларын торгууль төлөх шийдвэр аж. Өмнө нь, нэгдүгээр сарын 17-ны өдөр "Оросын боловсруулагчдыг Apple -ийн төлбөрт үйлчилгээг ашиглахыг шахсан" гэх хэргээр 17 сая доллараар торгож байжээ. 

Энд дуулгахад, Украинд дайн эхэлснээс хойш 2022 оны гуравдугаар сард Apple корпораци Орос дахь бүтээгдэхүүний албан ёсны худалдааг зогсоосон юм. 

Г.Бямбасүрэн