Ирэх сарын нэгнээс эхлэн олон нийтийн газарт амны хаалт заавал зүүх журмыг цуцална гэж Хонконгийн захиргааны тэргүүн Жон Ли мэдэгджээ. Харин эмнэлэг болон зарим төрийн байгууллагуудын ажилтны хувьд сэргийлэх арга хэмжээг үргэлжлүүлэн мөрдөх аж. 

"Ийм шийдвэр гаргах тохиромжтой цаг нь яг одоо гэж бид бодож байна. Энэ бол Хонконг хэвийн амьдралдаа эргэн орж байгааг харуулах томоохон дохио" хэмээн Ли мэдэгдсэнийг Ройтерс дамжуулжээ.

Түүнчлэн гуравдугаар сарын нэгнээс эхлэн дунд болон бага сургуулийн сурагчдаас өдөр бүр коронавирусийн түргэвчилсэн шинжилгээ авдгаа зогсоох аж.

Г.Бямбасүрэн