Папуа – Шинэ Гвинейд зэвсэгт бүлэглэлийнхэн эрдэмтдийг барьцаалсан хэрэг энэ сарын 19-ний өдөр гарсан. Эдгээр эрдэмтэд нь Австралийн харьяат байсан юм. Австралийн Гадаад хэргийн сайд Пенни Вонгийн мэдэгдсэнээр, зэвсэгт бүлэглэлийнхэнд барьцаалагдсан Австралийн профессор болон түүний аспирантуудыг суллажээ.

"Барьцаалагдсан бүх хүнийг сулласан, тэд удахгүй гэр бүл дээрээ очно. Аюулгүй, энхийн замаар асуудлыг зохицуулсан Папуа-Шинэ Гвинейн засгийн газарт талархаж байна"  хэмээн Вонг мэдэгджээ.

Австралийн Гадаад хэргийн яамны мэдээлснээр, Папуа-Шинэ Гвинейн цагдаагийнхан Австрали, Шинэ Зеландын дипломатуудтай хамтран эрдэмтдийг барьцаанаас суллаж чадсан байна. Эрдэмтдийг барьцаалсан этгээдүүд бэлэн мөнгө шаардаж байсан бөгөөд нууц ажиллагаа явуулсны дүнд мөнгө өгөлгүй эрдэмтдийг суллаж чаджээ

Г.Бямбасүрэн