Францын Нормандаас шуудайнд хийсэн нэг тонн хар тамхи олджээ. Хар тамхины хууль бус худалдаа эрхэлдэг хүмүүс энэ шуудайг хөлгөөс гаргаж хаясан байж болзошгүй гэж хууль сахиулагчид үзэж байгаа талаар Франс Пресс мэдээлсэн байна.

Эх сурвалжийн мэдээлснээр, хар тамхийг хоёрдугаар сарын 26-ны өдөр олжээ. Хар тамхийг 40 шуудайнд хийсэн байсан бөгөөд 40 шуудай кокаины өртөг 60 сая орчим евро болж байгаа аж. Энэ нь Ла-Маншаас олдож байсан хамгийн их хэмжээний хар тамхи аж. 

Цагдаагийнхны дэвшүүлсэн урьдчилсан таамаглалаар, хууль бус наймаачид эргийн хамгаалалтынхан гэнэтийн шалгалт хийх үеэр шуудайтай хар тамхийг хөлөг онгоцноос гаргаж шидсэн байж болзошгүй гэнэ. 

Г.Бямбасүрэн