Их Британийн зоосны урлан Харри Поттерын тухай цуврал дээр гардаг Хогвардс сургуулийн захирал Альбус Дамблдорын дүрс бүхий зоос гаргажээ. Энэ зоосны нөгөө талд III Чарльз хааны хөргийг байршуулсан байна. 

ВВС агентлагийн мэдээлснээр, төрийн сангийн сайтаар дамжуулан Дамблдорын дүрстэй зоос худалдан авч болох бөгөөд нэрлэсэн үнэ болон хийцээс хамааран 11-5000 фунт хүртэлх үнэтэйгээр худалдаалагдах аж. 

Харри Поттерт зориулсан дөрвөн зоос бүхий цуглуулгыг анх 2022 онд, "Харри Поттер ба философийн чулуу" ном анхлан хэвлэгдсэний 25 жилийн ойд зориулан гаргаж байв. Одоо худалдаанд Харри Поттер, Хогвардс-экспресс галт тэрэгний дүрс бүхий зооснууд байдаг аж. Удахгүй Хогвардс сургуулийг дүрсэлсэн зоос гаргахаар бэлдэж байгаа гэж ВВС мэдээлжээ.

Г.Бямбасүрэн