Хятадын Гадаад хэргийн сайд асан Ван И Европын орнуудад хийх айчлалаа хоёрдугаар сарын 14-ний өдөр эхлүүлсэн. Энэ сарын 22-ны өдрийг хүртэл үргэлжлэх айлчлалын хүрээнд тэрбээр Францад зочилжээ.

Ван И айлчлалынхаа үеэр Францын Ерөнхийлөгч Эммануэль Макронтай уулзах үеэрээ " Орос, Украины хоорондын зэвсэгт сөргөлдөөнийг хурдан дуусгахын тулд БНХАУ олон улстай хамтран ажиллахад бэлэн" хэмээн мэдэгдсэн байна. Орос, Украины сөргөлдөөнтэй холбоотой нөхцөл байдалд БНХАУ "шударга, бодит байр суурь" баримтлахын дээр сөргөлдөөнийг зохицуулах, энхийн хэлэлцээ явуулахад дэмжлэг үзүүлэхийг эрмэлздэг хэмээн Ван И мэдэгдсэнийг Интерфакс дамжуулжээ.

Ван. И хоёрдугаар сарын 14-22-ны өдрүүдэд Европоор айлчилж байгаа юм. Тэрбээр Итали, Франц,Орос, Унгарт айлчилж, Аюулгүй байдлын асуудлаарх Мюнхений бага хуралд оролцох төлөвлөгөөтэй байгаа аж.

Г.Бямбасүрэн