Германы Мюнхен, Франкфурт, Хамбург хотуудын нисэх буудлууд баасан гарагт түр хаагдаж, тогтмол нислэг үйлдэхгүй гэж DW агентлаг мэдээлжээ.

Эх сурвалжийн мэдээлснээр, баасан гарагт нисэхийн салбарынхан ажил хаялт зарлахаар төлөвлөсөн тул Мюнхен, Франкфурт, Хамбург хотуудын нисэх буудлууд түр хугацаанд хаагдахаар болсон байна. Тиймээс цуцлагдсан нислэгүүдийн талаар  агаарын тээврийн компаниудаас тодруулахыг зорчигчдоос хүсчээ. 

Хоёрдугаар сарын 17-ны өдөр Германы Верди үйлдвэрчний эвлэл 24 цагийн ажил хаялт зарлахаар болсноо зарласан юм. Ийнхүү ажил хаях болсон нь ажиллах хүч хангалтгүйн улмаас ачаалал нэмэгдсэн, мөн цалин хөлс нэмүүлэхийг шаардаж байгаатай холбоотой аж.

Г.Бямбасүрэн