Иран улс усан онгоц, улсын агаарын тээврийн компани ашиглан Орос руу алсын тусгалтай шинэ дронуудыг хууль бусаар зөөсөн гэж холбогдох эх сурвалжуудаас авсан мэдээлэлтэйгээр The Guardian сонин мэдээлжээ. 

Эх сурвалжийн мэдээлснээр, 11 дүгээр сард Оросын офицер, техникийн мэргэжилтнүүд Тегеранд айлчилсны дараа ОХУ-ын тэнгисийн цэргийн флотод дор хаяж 18 дрон нийлүүлсэн гэнэ. Тухайн үед Оросын 10 хүний бүрэлдэхүүнтэй төлөөлөгчийн баг 200 км орчим тусгалтай, далавч тус бүрдээ хоёр пуужин тээдэг Мохажер -6 дрон зургааг, Шахед 191 болон 129 дрон 12-ыг сонгосон аж. 

ОХУ руу нууцаар илгээсэн дронуудын ихэнхийг Каспийн тэнгисийн эрэг дээрх баазаас Ираны усан онгоцоор зөөж, дараа нь Оросын Тэнгисийн цэргийн хүчний онгоц руу хүргэсэн байна. Үлдсэнийг нь Ираны төрийн өмчийн агаарын тээврийн компани Орос руу хүргэжээ. Түүнчлэн дронуудыг ашиглалтад оруулахын тулд Иран Москва руу техникчдээ илгээсэн гэнэ. 

Г.Бямбасүрэн