Украины эрх баригчид Крым дэх байд цохилт өгөхийн тулд Британийн алсын тусгалт пуужингуудыг ашиглахад бэлэн гэнэ. Энэ талаар Украины цэргийн хүрээллээс авсан эх сурвалжтайгаар The Times сонин бичжээ. Ийм цохилт өгсөн тохиолдолд цэргийн сөргөлдөөн хурцадмал байдалд орно гэж мэдээлэлд онцолсон байна. 

Times сонины бичсэнээр, Их Британийн Засгийн газар Украинд хичнээн пуужин илгээж болох талаар хэлэлцэж байгаа аж. Урьдчилсан байдлаар,240 км хүртэлх  тусгалтай хөлөг онгоц эсэргүүцэх Harpoon пуужин нийлүүлж болзошгүй гэсэн мэдээлэл гарсан байна. Энэ пуужинг газар дээрх бай оноход ч ашиглах боломжтой аж. Өөр нэг хувилбар нь 560 км тусгалтай Storm Shadow нисэхийн пуужин гэнэ. Ийм пуужинтай болсон нөхцөлд Крымд цохилт өгөхөд бэлэн гэж үзэж байгаа талаар холбогдох эх сурвалжуудаас авсан мэдээлэлтэйгээр Times дамжуулжээ.

Энд дуулгахад, хоёрдугаар сарын наймны өдөр Зеленский Британийн парламентад үг хэлэх үеэрээ алсын тусгалт пуужингууд нь "эзлэгдсэн нутгуудын гүнд байх нууц газруудыг нь устгаснаар манай орноос дайсныг ухрах боломжийг өгнө" хэмээн онцолж байлаа.

Г.Бямбасүрэн