Газар хөдлөлтийн дараа Сирийн цахилгаан эрчим хүчний системд учирсан хохирол 10 тэрбум сири фунт /3,9 сая ам.доллар/ гэж Сирийн Эрчим хүчний сайд Гассан аз-Замиль мэдэгджээ. 

Түүний өгүүлснээр, 10 тэрбум сири фунт гэдэг нь эцсийн дүн биш бөгөөд Сирийн эрчим хүчний салбарт учирсан хохирлыг нөхөхөд удаан хугацаа шаардлагатай гэнэ. Газар хөдлөлтөд томоохон цахилгаан станцууд өртөөгүй, гэхдээ Латакия дахь дэд станцууд эвдэрчээ. Эдгээр дэд станцыг засахад олон сарын хугацаа шаардлагатай аж. 

Эргэн сануулахад, хоёрдугаар сарын зургааны шөнө Турк, Сирид  7,7 магнитудын хүчтэй газар хөдлөлт болсон юм. Энэ гамшгийн улмаас Туркэд 17,6 мянган хүн амиа алдаж, 70 мянга гаруй хүн гэмтэж бэртсэн бол Сирид амиа алдагсдын тоо 3000-ыг давж, 5000 гаруй хүн бэртэж гэмтжээ.

Г.Бямбасүрэн