Даваа гарагт Турк, Сирийн нутагт хоёронтаа хүчтэй газар хөдлөлт болж, олон мянган хүн амиа алдсан гамшгийн үед дэлхийн орнууд Турк рүү олноор тусалсан ч Сири рүү тусламж очихгүй байсан юм. Энэ нь Сирийн эсрэг үйлчилж буй хориг болон логистикийн асуудлуудтай холбоотой байлаа.

Газар хөдлөлт: Сири зовлонд ганцаар үлдсэний учир

Хүнд нөхцөлд орсон Сири олон улсын хоригийг цуцлахыг уриалж байв. Тухайн үед барууны орнууд шуурхай хариу өгөөгүй, харин хоёрдугаар сарын есөн буюу газар хөдөлснөөс хойш гурван өдрийн дараа л шийдвэр гаргажээ. 

Тодруулбал, Сирийн эсрэг тавьсан АНУ-ын хориг газар хөдлөлттэй холбоотой тусламж үзүүлэх мөнгөн гуйвуулгад хамаарахгүй болсон байна. АНУ-ын Сангийн яамны мэдэгдсэнээр, хоригийг цуцалсан энэ шийдвэр 2023 оны наймдугаар сарын наймны өдрийг хүртэл хүчинтэй байх аж. Мөн газрын тос, Сирийн засгийн газар болон бусад этгээд зэрэг хоригт багтсан эдгээдүүдтэй хамтран ажиллах зорилгоор хийх гүйлгээнүүд урьдын адил хориглогдсон хэвээр гэж АНУ-ын Сангийн яам онцолжээ. Түүнчлэн газар хөдлөлтийн улмаас хохирол амссан Турк, Сирид АНУ хүмүүлэгийн тусламж үзүүлэх зорилгоор 85 сая доллар зарцуулахаар болсон байна.

Эргэн сануулахад, хоёрдугаар сарын зургааны өдөр Турк, Сирид 7,7 магнитудын хүчтэй газар хөдлөлт болсон юм. Энэ байгалийн гамшгийн улмаас туркэд 17 мянга гаруй хүн амиа алдаж, гэмтэж бэртсэн хүний тоо 70 мянгыг давжээ. Харин Сирид 3000 гаруй хүн амиа алдсан байна.

Г.Бямбасүрэн