Туркийн Кахранманмарашт газар хөдлөлтийн улмаас амиа алдсан хүний тоо 17 674 болсон талаар тус улсын дэд Ерөнхийлөгч Фуат Октай мэдэгдсэнийг Андолу агентлаг дамжуулжээ. 

Түүний мэдэгдсэнээр, сүүлийн нэг хоногт 121 хүн аварсан байна. Одоогоор байгалийн гамшигт нэрвэгдсэн газруудад 29 622 аврах бүлэг ажиллаж байгаа, бүх газарт хүрч ажиллах хүртэл аврагчдын ажил дуусахгүй гэнэ. Мөн дэлхийн 75 орноос 6479 отряд ирж, эрэн хайх, аврах ажилд туслаж байгааг тэрбээр онцолжээ.

Харамсалтай нь, одоогоор 17674 хүн амиа алдсан нь тогтоогдсон бол 72 879 хүн гэмтэж бэртсэн байна.

Г.Бямбасүрэн