Германд төрөөс урвасан хэрэгт сэжиглэн Германы иргэнийг баривчижлээ. Прокурор болон тагнуулынхан түүнийг 12 дугаар сард баривчлагдаж, Оросын талд тагнуул хийсэн хэрэгт буруутгагдаж байгаа этгээдийн мэдээлэгч гэж үзэж байгаа талаар DW мэдээлсэн байна.
Эх сурвалжийн мэдээлснээр, Германы иргэн Артур Э-г өнгөрсөн ням гарагт, АНУ-аас Германд эргэн ирэх үед нь, Мюнхен хотын нисэх буудлаас баривчилжээ. Мөрдөн байцаагчдын үзэж байгаагаар, Артур Э. нь Оросын иргэд 12 дугаар сард баривчлагдсан Германы тагнуулын албаны ажилтан Карстен Л.-тэй холбогдоход зуучлагчаар ажиллаж байсан аж. Карстен Л.-ийг 12 дугаар сард баривчлан, Оросын талд нууц мэдээлэл дамжуулсан гэж буруутгасан юм. Энэхүү нууц мэдээллийг Артур Карстенаас авч, оросуудад өгсөн гэж Германы прокурорын газар мэдээлжээ.
Артур нь тагнуулын албаны ажилтан биш, Германы хууль сахиулах байгууллагууд болон тагнуулынхан Америкийн Холбооны мөрдөх товчоотой хамтран ажиллаж түүнийг мөрдөн, баривчилсан байна. Түүнийг ням гарагт баривчилж, даваа гарагт шүүхээр оруулсан бөгөөд одоо урьдчилан саатуулах төвд хоригдож байгаа аж.
Г.Бямбасүрэн
| Уншиж байна |