Хойд Солонгосын нийслэл Пхеньян хотод амьсгалын замын халдварт өвчин дэгдсэн тул тав хоногийн хугацаатай хөл хорио тогтоохоор болсон талаар бид өмнө нь мэдээлсэн. 

Хойд Солонгосын нийслэлд тав хоногийн хөл хорио тогтоожээ

БНАСАУ-ын эрх баригчид халдварт өвчин ямар вирусээр үүсгэгдсэн талаар мэдээлээгүй. Харин иргэддээ хандан вирусээс хамгаалах тэмцлээ үргэлжлүүлэхийг уриалжээ. 

Хойд Солонгосын "Родон Синмүн" сонин хөл хорионы арга хэмжээг чангатгахын чухлыг онцлоод ард түмнийг вирусийн эсрэг хийх тэмцлээ үргэлжлүүлэхийг уриалсан байна. Харин Хойд Солонгосын цахим мэдээллийн агентлаг "төрийн ажлын нэгдүгээрт тахлын эсрэг ажлыг тавих хэрэгтэй" хэмээжээ. 

Хойд Солонгосын хэвлэлүүдэд мэдээлснээр, хүн ихээр зорчдог хэсгүүдэд халуун хэмжих, гар ариутгах арга хэмжээ авч байгаа гэнэ.

Г.Бямбасүрэн