УИХ-ын гишүүн Б.Пүрэвдорж "Үндэсний аж ахуйн нэгжүүдийг дэмжих тухай" УИХ-ын тогтоолын төслийг Эдийн засгийн байнгын хороонд өргөн барих болсонтой  холбогдуулж өнөөдөр хэвлэлийнд мэдээлэл өглөө.

Тогтоолын төслийнхөө талаар "Ковидын дараах үеийн эдийн засгийг сэргээх шаардлага үүсэж байна. Энэ хүрээнд ОУ-д олон талт үйл ажиллагаа явуулж, өндөр хэмжээний татварын төлж, Улсын төсвийн үйл ажиллагаа үргэлж дэмждэг ААН-үүдээ дэмжих  шаардлагатай байна. Иймээс "Үндэсний аж ахуйн нэгжүүдийг дэмжих тухай" УИХ-ын тогтоолын төслийг боловсрууллаа.

Тогтоолын төсөлд 500 албан паспортыг татвар хураамж, шимтгэл төлсөн хэмжээгээр нь ААН-үүдийн удирдлагад олгох тухай тусгасан. Аймаг бүрийн эхний 10, нийслэлд эхний 90, улсын хэмжээнд эхний 200 байрт эрэмблэгдсэн хувийн хэвшлийн аж ахуйн нэгжийн удирдлагад албан гадаад паспорт олгохоор тогтоолын төсөлд тусгасан" гэлээ.

Уг тогтоолын төслийг ирэх долоо хоногт өргөн барихаар зэхжээ.

П.ГОО