Монгол Улсын Биеийн тамир, спортын улсын хорооны дарга Д.Жаргалсайханы том толгой Монгол Улс, БНХАУ хоорондын харилцаанд сэв суулгах хэмжээний асуудлыг дэгдээсэн байна. Бүр тодруулбал, Биеийн тамир, спортын улсын хорооны дарга Д.Жаргалсайхан 2022 оны аравдугаар сарын 17-ны өдөр Тайванийн худалдаа, эдийн засгийн Улаанбаатар дахь төлөөлөгчийн газрын төлөөлөгч Грэйс Ж.Р.Лүөтэй уулзаж, хамтын ажиллагааны гэрээ байгуулахаар тохирчээ.

Гэтэл энэ уулзалтаас яг хоёр хоногийн дараа БНХАУ-аас Монгол улсад суугаа Элчин сайдын яамнаас Монгол Улсын холбогдох байгууллагуудад дээр үйл явдлыг буруутгасан утга бүхий албан бичиг хүргүүлжээ. Уг албан бичигт цаашид Тайваньтай холбоотой том жижиг ямар ч гэрээ хэлэлцээрийг БНХАУ-аас Монгол улсад суугаа Элчин сайдын яаманд уламжилж, зөвшөөрөл авч байх тухай дурьдсан байна. Улмаар тухайн өдрөөс эхлэн БНХАУ-ын албаныхан онлайн уулзалтаа хойшлуулж, дургүйцлээ илэрхийлж эхэлжээ. Үүнд Ерөнхийлөгчийн БНХАУ-д хийх айлчлал ч багтсан тухай эх сурвалж мэдээлж байна. 

Тодруулбал, Ерөнхийлөгч У.Хүрэлсүх өнгөрсөн сарын сүүлээр БНХАУ-д  албан ёсны айлчлал хийхээр төлөвлөөд байсан. Гэвч айлчлалын тов тодорхойгүй байсаар өнөөдрийг хүрсэн. Яг энэ байдлаар  БНХАУ-аас Монгол улсад суугаа Элчин сайдын яамнаас бүх албан уулзалтуудаа хойшлуулж байгаа аж.  

БНХАУ-ын Элчин сайдын яамны зүгээс энэ үйл явдлыг  “Тайвань бол Хятадын салшгүй нэг хэсэг" гэх бодлогыг эсэргүүцсэн хэмээн үзэж буруутгасан хэвээр байгаа аж. Ийнхүү гадаад харилцааны асуудалд "А"-гүй том толгойтой хурган дарга Монгол Хятадын гадаад харилцаанд сэв суулгах хэмжээний "хэрэг тарьлаа". Ийнхүү "Нэг Хятад" бодлогыг үл тоож үгүйсгэсэн дээрх үйлдлийг эсэргүүцэн БНХАУ-аас Монгол улсад суугаа Элчин сайдын яам  "хаалгаа дотроосоо түгжсэн" хэвээр сарын нүүрийг үзэж байна. 

Тайваньтай хийсэн уулзалтаас хойш ДОЛОО хоногийн дараа  БНХАУ-аас Монгол улсад суугаа Элчин сайд ийнхүү жиргэжээ!!!