Засгийн газрын өнөөдрийн хуралдаанаас гаргасан шийдвэрийг танилцуулж байна. Энэ үеэр ХЗДХ-ийн сайд Х.Нямбаатар 2023 оныг Монголд зочлох жил болгон зарлахтай холбогдуулж, Хууль зүй, дотоод хэргийн яаманд Аялал жуулчлалын тухай хуулийн төслийг боловсруулж байгаа талаар мэдээлэл өглөө. 

Тэрбээр "Ерөнхий сайд 2023 оныг Монгол зочлох жил болгож байгаатай холбогдуулж, Аялал жуулчлалын тухай хуулийн төслийг боловсруулж байна. Уг хуулийн гол концевц нь аялал жуучлалын урсгалыг нэмэгдүүлэх,  Аялал жуулчлалын урсгалыг нэмэгдүүлэхэд саад учруулж байгаа яаж өөрчлөх вэ гэх асуудал юм.  Манай улсад аялал жуулчлалын салбарыг хөгжүүлэхэд нислэгийн давтамж, тийзийн үнэ, визийн хөнгөлөлтийн асуудал байна. Иймээс хуулиар энэ асуудлыг шийдвэрлэх чиглэл барьж байна. Хуульд Монгол Улсад ирсэн жуулчдад татварын буцаан олголт өгдөг тогтолцоог нэвтүүлэхээр Засгийн газарт танилцуулсан. 

Мөн энэ хуулийг дагаад Агнуурын тухай хуулийг оруулж ирнэ. Энэ хуулиар аргал, янгир, угалз, шонхор шувууны  агнуурын тоо хэмжээг гаргаж, гаргасан хэмжээгээр нь нээлттэй дуудлага худалдаагаар  бүх төрлийн анг зарж борлуулдаг, түүнийг нь түр оператор компаниуд дуудлага худалдаад оролцох замаар авч аялал жуулчлалын бараа бүтээгдэхүүнийхээ тоог нэмэгдүүлэх чиглэлд хуулийн төслийг боловсруулж байна" гэлээ. 

Х.Нямбаатар сайдын зүгээс мэдээллийн үеэр "Цаашид Богд ууланд газар олгохгүй байхаар хуульчлах бодолтой байдаг хүмүүсийн нэг. Өмнөх БОАЖ-ын сайдын алдаа завхрал Богд-Уулын хэдэн амыг ОТОГ байдлаар хаус хороолол болгоод дуусгасан. Үүнээс үүдэн дэд бүтэц, сургууль гээд маш олон асуудал Улаанбаатар хотын захиргааны асуудал болоод үлдчихсэн. Цаашид бид газар олголт хийхгүйгээр Богд уулыг Үндэсний цэцэрлэгт хүрээлэн байдлаар ашиглах ёстой гэсэн саналыг манай яамнаас БОАЖЯ-нд санал хүргүүлсэн" хэмээн байр сууриа илэрхийллээ. 

П.ГОО