Замын-Үүдээс нийслэл рүү барилгын материал тээвэрлэж явсан машин шатсан харамсалтай хэрэг гарчээ.

Тодруулбал, Дорноговь аймгийн Эрдэнэ сумын Бүрдэнэ багийн “Богийн гашуу” гэдэг газарт ачааны автомашин шатаж байна гэсэн дуудлагыг энэ сарын 10-ны өдрийн 19:18 цагт хүлээн авсан байна. Тус аймгийн Онцгой байдлын газрын Замын-Үүд сум дахь Гал түймэр унтраах, аврах 17 дугаар ангийн алба хаагчдыг очиход тус аймгийн Замын-Үүд сумаас Улаанбаатар хотын чиглэлд 26 тн барилгын материал тээвэрлэж явсан иргэн Ц-ын эзэмшлийн “Фавжи-6” загварын ачааны автомашины бүхээг, чиргүүлийн арын хэсэг дугуй шатаж байсныг 9 минут ажиллаж унтраасан байна.