Эрээн хотод суугаа Консулын газраас коронавируст халдварын нөхцөл байдалтай холбогдуулан мэдээлэл гаргасан байна. 

Тус мэдээлэлд коронавируст халдварын ХОЁР тохиолдол илэрсэнтэй холбогдуулан Эрээн хотын Шуурхай штабаас холбогдох арга хэмжээг авч эхэлсэн талаар дурьдсан байна. Коронавируст халдварын тархалтаас урьдчилан сэргийлэх, эрсдлийг бууруулахаар зорилгоор 10-12-ны өдрүүдэд Эрээн хотын хөдөлгөөнийг хязгаарлаж, хотын нийт иргэдээс шинжилгээ авах шийдвэр гаргажээ. Улмаар тус хугацаанд хотоос гарах зайлшгүй шаардлагатай бол харьяа дүүргийн тодорхойлолт, 48 цагийн дотор 2 удаагийн сөрөг гарсан шинжилгээний хариутай байх шаардлагыг тавьж, бага дунд сургуулиудын танхимын хичээлийг түр зогсоож, цахимд шилжүүлжээ. 

Мөн улс хоорондын ачаа тээвэр хэвийн явж байгаа ч гаалийн баталгаат хашаа руу нэвтрэх ААН-үүдийн төлөөлөгчдийн хөдөлгөөнийг тус хугацаанд хоригложээ.
 

П.ГОО