Эрээн хотын консулаас Монгол Улсын иргэд, аж ахуйн нэгжүүдэд хандан сэрэмжлүүлэг гаргажээ. Сэрэмжлүүлэгт "Цар тахлын улмаас тогтоосон хилийн хязгаарлалтын хугацаанд Монгол Улсын иргэд, аж ахуйн нэгжүүд БНХАУ-аас бараа, бүтээгдэхүүн худалдан авахтай холбоотой цахим залилангийн гэмт хэргийн хохирогч болж, санхүүгийн болон сэтгэл санааны хохирол амсах тохиолдол буурахгүй байна.

Тухайлбал,

- Хэлний бэрхшээлээс болж буруу ойлголцох;

- Захиалсан тоо хэмжээ дутуу ирэх;

- Захиалсан бараа, бүтээгдэхүүнээс өөр бараа ирэх;

- Чанаргүй бараа ирэх;

- Төлбөр шилжүүлсний дараа тохиролцооноосоо буцах, илүү төлбөр нэхэмжлэх зэрэг явдал гарсаар байна.

Иймд БНХАУ-аас бараа, бүтээгдэхүүн цахимаар худалдан авч буй иргэд, аж ахуйн нэгжүүд анхаарал болгоомжтой байж, холбогдох хууль тогтоомжийн дагуу гэрээ хэлцэл байгуулах, маргаан гарсан тохиолдолд эрх ашгаа хэрхэн хамгаалах, аль улсын шүүхэд хандан шийдвэрлэх асуудлыг зайлшгүй тусгах, төлбөр тооцоог хийхдээ худалдагч компани, байгууллага, иргэний мэдээллийг сайтар нягтлан шалгаж, цахим гэмт хэргийн хохирогч болохоос урьдчилан сэргийлэхийг анхааруулж байна" гэжээ. 

Эх сурвалж: Эрээн хотод суугаа Консулын газар