УИХ-ын гишүүн Ж.Мөнхбатыг хуулийн байгууллагаас шалгаж байгаа эсэх талаар Төрийн ордонд сэтгүүлчдэд тайлбар өглөө. 

Тэрбээр "Гүтгэлгийн шинж чанартай мэдээлэл гарсан байна лээ. Үнэн мөнийг тодруулахаар шүүхэд хандана. Над руу галыг чиглүүлж өөрөө хуурай гарах гэсэн л оролдлого байх. Нүүрсний асуудал гарах бүрт намайг хуулийн байгууллагаас шалгаж байгаа гэдэг болсон. Нүүрстэй холбоотой асуудал гарахаар л намайг гүтгэдэг болсон. Та бүхэн хуулийн байгууллагаас очоод тодруулаарай ганц ч тийм асуудал байхгүй. Нүүрсний гэрээнүүдийг ил болгох хэрэгтэй. Миний зүгээс Төсвийн ажлын хэсэг дээр байгалийн баялагтай холбоотой гэрээнүүдийг ил болгох санал гаргасан. Оффтейк гэрээнүүдийг ч мөн ил болгох шаардлагатай гэж үзэж байна" гэлээ. 

П.ГОО