“Эрдэнэс Тавантолгой” ХК-д зургаан сарын хугацаагаар онцгой дэглэм тогтоогоод буй. Улмаар “Эрдэнэс Тавантолгой” ХК-д тогтоосон онцгой дэглэмийн хугацаанд Монгол Улсын Засгийн газарт эрх олгох тухай хууль, энэ тогтоолд заасан арга хэмжээг авч хэрэгжүүлэн, компанийн үндсэн үйл ажиллагаа, удирдлага, зохион байгуулалт, төлбөр тооцоог сайжруулж, орлогыг нэмэгдүүлэх асуудлыг шууд хариуцан гүйцэтгэж, компанийг бүрэн төлөөлөх эрх бүхий Засгийн газрын онцгой бүрэн эрхт төлөөлөгчөөр Сангийн яамны Төрийн нарийн бичгийн дарга Ж.Ганбатыг томилсон. 

Тэгвэл өчигдөр шөнө АТГ-аас "Эрдэнэт Тавантолгой" компанийн худалдан авалтын хэлтсийн дарга Б.Отгонжаргалын гэр болон албан өрөөнд нэгжлэг хийсэн байна. Түүнийг эрх мэдэл, албан тушаалаа ашигласан, үндэслэлгүй хөрөнгөжсөн байж болзошгүй гэх хэргээр  мөрдөн шалгаж байгаа аж. Мөрдөн шалгах ажиллагааны явцад их хэмжээний бэлэн мөнгө хураан авч,  "Бенз Жи-500" автомашиныг битүүмжилж, АТГ-ын гадаа авчиржээ.

П.ГОО