Өчигдөр буюу 10 сарын 17-ны өдөр Хэнтий аймгаас Дорнод аймаг руу цэрэгт татаж явсан цэрэгт татагдсан залуусыг тээвэрлэж явсан автомашин осолдсон. Энэхүү ослын талаар  Хил хамгаалах ерөнхий газрын дарга, Хилийн цэргийн командлагч, бригадын генерал Х.Лхагвасүрэн өнөөдөр сэтгүүлчдэд мэдээлэл өглөө. 

Тэрбээр "Түмэнцогт сумаас 40 км-т осол гарсан. Осол гарсан шалтгаан нь машины рулийн аппарат хагараад хажуулдсан. Дөрвөн цэргийн толгой хагарсан, хоёр цэргийн гэмтэл авсан байна. Манай газрын Эмнэлгийн яаралтай тусламжийн шуурхай бүлэг газар дээр нь очоод Хэнтийн нэгдсэн эмнэлэгт үзлэг хийсэн. "Хоёр цэргийн албан хаагч зөөлөн эдийн гэмтэл авсан байна" гэсэн мэдээлэл өгсөн. 2008 онд манайд ашиглалтад орсон машин. Цэрэг тээвэрт тэвштэй машин ашиглахыг хориглосон. Гэвч олон тооны цэргийг халж, татах үйл ажиллагаанд машин хүрэлцэхгүй байгаа учир тэвштэй машин ашиглахаар өөр аргагүй байна.  Осолтой холбоотой албан тушаалтнуудад хариуцлага тооцно. Замын бартаа саад гарсан байна лээ. Нийт 17 хүн явж байсан. 15 цэрэг, нэг офицер, нэг ахлагч явж байсан. Цэргүүд үргэлжлүүлэн алба хаана гэвэл хаалгана. Ослын улмаас айдастай байгаа өнжье гэвэл өнжүүлэх арга хэмжээг газар дээр нь шийднэ" гэлээ.