УИХ-ын гишүүн асан Ж.Батзандан Хөгжлийн банкнаас их хэмжэээний зээл аваад эргэн төлөөгүй гэх асуудалд холбогдон цагдан хоригдсон. Тэгвэл өнгөрсөн энэ долоо хоногийн лхавга гарагт болсон УИХ-ын Хянан шалгах түр хороо хуралдааны үеэр  УИХ-ын гишүүн Т.Доржханд "УИХ-ын гишүүн асан Ж.Батзандан Хөгжлийн банкнаас их хэмжээний зээл аваад төлөөгүй гэх асуудлаар хоригдож байгаа гэх мэдээлэл тархсан. Тэгвэл зөвлөхөөрөө дамжуулан хэдэн арван тэрбум төгрөгийн зээл авсан Ерөнхийлөгч асан Х.Баттулга асуудал хаана явна вэ" гэсэн асуулт асуулаа. 

Гэвч хууль хяналтынхны зүгээс энэхүү нээлттэй хуралдааны үеэр экс Ерөнхийлөгчийн туслахтай холбоотой зээлийн тухай мэдээлэл өгөхөөс татгалзсан юм. 

Экс Ерөнхийлөгч Х.Баттулгын туслах асан Ууганбаяр  145 тэрбум төгрөгийн зээлийг Хөгжлийн банкнаас авсан байдаг. Бүр тодруулбал Хөгжлийн банкны хамгийн том чанаргүй зээлдэгчийн нэг болох “Нью Яармаг хаусинг прожект" компани юм. Тус компани өнөөдрийн долоон жилийн өмнө буюу  2015 онд Хөгжлийн банкнаас “Шинэ Яармаг” хороолол барихаар 145 тэрбум төгрөгийн зээл авснаас 59 тэрбумыг нь эргүүлэн төлж өдгөө 117 тэрбумын өр үлдсэн тухай эх сурвалжууд мэдээлдэг. Нийтэд тархсан мэдээллээр компанийн гүйцэтгэх захирал нь Х.Баттулгын туслах  Ц.Ууганбаяр гэдэг хүн бий. Түүний хувьд экс Ерөнхийлөгчийн туслахын ажлыг  14 жил хийсэн байдаг. Гэтэл дээрх жишээтэй яг ижилхэн нөхцөл байдалтайгаар Ж.Батзанданг цагдан хорьсон. Тэгвэл экс Ерөнхийлөгч Х.Баттулгын туслахтай холбоотой хэрэг ямар шатандаа явааг олон нийт сонирхож байна. Гишүүн асан Н.Номтойбаярын хэлдэгээр Хөгжлийн банкыг тонгорсон Х.Баттулга Сингапур руу зугтсан уу? 

Хааяа нэг олон улсын тэмцээн дээр харагддаг экс Ерөнхийлөгч эх орондоо байгаа юу? Түүний туслах их хэмжээний өрөө төлсөн үү? гэдэг асуудал энэ долоо хоногийн лхагва гарагт хаалттай хаалганы цаана яригдсан. Тэгэхээр экс Ерөнхийлөгчийн туслахын авсан их хэмжээний зээлийг хэрхэн эсэх асуудал удахгүй нийтэд ил болох биз ээ?