Ерөнхий сайд Л.Оюун-Эрдэнэ захирамж гаргаж, ХНХ-ын сайд Д.Сарангэрэлийг үүрэгт ажлаас нь чөлөөллөө. Энэ тухай Засгийн газрын хэрэг эрхлэх газрын дарга Д.Амарбаясгалан мэдээлэл хийв.

Монгол Улсын Үндсэн хуульд “Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно” хэмээн заасан байдаг.

ХНХ-ын сайд Д.Сарангэрэлийг Үндсэн хуулийн хэд хэдэн заалт зөрчиж, ёсзүйн алдаа гаргасан хэмээн үүрэгт ажлаас нь чөлөөлжээ. Дараагийн сайд томилогдох хүртэл ХНХ-ын сайдын үүргийг Засгийн газрын хэрэг эрхлэх газрын дарга Д.Амарбаясгалан гүйцэтгэх аж. 

ХНХ-ын сайд Д.Сарангэрэл мэдээлэл дундаа "улны айлууд" гэх нэршлийг манай яамныхан хэлдэг гэж дурдсан. Үүнээс үүдэн ХНХЯ-нд шалгалт оруулахаа ЗГХЭГ-ын дарга хэллээ.