Зам тээврийн хөгжлийн сайд С.Бямбацогт Дарханы замын ажлын явцын талаар мэдээлэл хийлээ.

Тэрбээр “Сайдын ажил явснаас хойш 20 гаруй хоног өнгөрч байна. Энэ хугацаанд Дарханы замын 20 орчим км зам хатуу хучилттай боллоо. Энэ чиглэлийн 204 км замын 160 орчим км зам нь хатуу хучилттай болж байна. 10 дугаар сарын 30 хүртэл үлдсэн 40 орчим км замыйг хатуу хучилттай болгохоор шахуу ажиллаж байна. Өөрөөр хэлбэл хоёр урсгалтай дөрвөн эгнээ замын нэг урсгал, хоёр эгнээ замыг хатуу хучилттай болгож, шороон замаар явахгүй байх боломжийг бүрдүүлэхээр ажиллаж байгаа. Гүйцэтгэгчийн ажил эрчимжсэн, энэ жилдээ багтаагаад нэг урсгал, хоёр эгнээ замыг хатуу хучилттай болгохоор ажиллаж байгаа”-аа хэллээ.

Мөн тэрбээр цементийн дотоодын үйлдвэрүүдтэй тохиролцож, өдөрт 1000 орчим тонн цемент авч, нэг урсгал, хоёр эгнээ замыг ашиглалтад оруулна гэдгийг хэлэв.