Монгол Улсын хойд хил Алтанбулаг боомтоор ОХУ-аас нэвтрэх хөдөлгөөн эрс нэмэгдэж, автомашины цуваа үүсээд буй мэдээлэл олон нийтийн сүлжээгээр тархаж эхэллээ. Энэ талаар Хуульзүй, дотоод хэргийн сайд Х.Нямбаатар дараах тайлбарыг өгч байна.

Тэрбээр “09 дүгээр сарын 22-ны 08.00-12.00 цагийн хооронд Алтанбулаг боомтоор зургаан орны 170 зорчигч орсон байна. Үүнээс ОХУ-ын 74 иргэн манай улсад нэвтэрсэн. Өчигдөр, өнөөдөр Монгол руу орох зорчигчийн хөдөлгөөн нэмэгдсэн” гэдгийг хэллээ.  

Манай улс ОХУ-тай харилцан визгүй зорчих хэлэлцээртэй. Тиймээс зөрчилгүй, гадаад паспорттай ОХУ-ын иргэдийг боомтоор саадгүй нэвтрүүлэх үүрэгтэй юм. Хамгийн сүүлд авсан мэдээллээр Хиагт орчимд 60 орчим, хил дээр 30-40 машины цуваа үүсээд байгааг Хуульзүй, дотоод хэргийн сайд Х.Нямбаатар хэллээ.  

Алтанбулаг боомтоор тээврийн хэрэгсэлтэй нэг зорчигчийг нэвтрүүлэхэд 8-10 минут зарцуулдаг аж. 

Б.Хэрлэн