Өнөөдөр  Ардчилсан нам Их хурлаа хийж, Ерөнхийлөгч асан Х.Баттулга өөрийн биеэр оролцож байна.

Тэрбээр хурлыг нээж үг хэлэхдээ: "Ардчилсан нам дөрөвдүгээр сарын 7-нд ээлжит бус хурлаа хийж, намайг Ардчилсан намын даргаар сонгосон. Хурлын шийдвэрийн дагуу Улсын дээд шүүхэд бүртгүүлэх материалаа өгсөн боловч хүсэлтийг шийдвэрлэхгүй гэдэг нь тодорхой болсон.

Монгол ардын намын улс төрийн товчоо хуралдаж, Ардчилсан намын даргаар Х.Баттулгыг томилж болохгүй шүү гэсэн шийдвэр гарсан. 

Манай улсын эдийн засаг ядуу, аж үйлдвэржээгүй, малынхаа арьсыг ч боловсруулж чадахгүй байна. Нөхцөл байдал ийм байгаа үед ард түмэн сөрөг хүчнийг, Ардчилсан намыг хүсэмжилж байна.

Харамсалтай нь эрх баригчдын гар хөл болоод байгаа манай намын нөхдүүдээс болж ардчилал алдагдлаа. Бид эвдрэлцэхдээ ялагдаж, эвлэлцэхдээ ялж байсан. 2024 онд бид нэгдэж оролцсоноор хүчтэй сөрөг хүчин байж, эрх барина" гэж мэдэгдлээ.