Тавантолгой-Зүүнбаян чиглэлийн төмөр замд галт тэрэг унасан асуудал өчигдөр гарлаа. Уг асуудлын талаар Зам тээврийн хөгжлийн яамнаас өнөөдөр тайлбар хийв.

УБТЗ-ын Хөдөлгөөн хариуцсан замын орлогч дарга Ш.Нямсүрэн “2022 оны 03 сарын 27-ны өдрийн 19.40 цагт Тавантолгой-Зүүнбаян чиглэлийн төмөр замын Цогтцэций өртөөнд аж ахуйн зориулалттай вагоны хоёр тэргэнцэр замаас гарсан. Энэ бол осол биш. Монгол Улсад мөрдөгдөж буй хууль, дүрмээр уг асуудлыг гологдол гэж тодорхойлдог. Засгийн газраас хэрэгжүүлж буй төмөр замын том төсөлтэй хамааралгүй, зөвхөн аж ахуйн ажил хийж байсан галт тэрэг замаас гарсан” гэсэн тайлбарыг өглөө.    

Одоо УБТЗ, Монголын төмөр зам компанийн хамтарсан ажлын хэсэг газар дээр нь шалтгаан нөхцөлийг тодруулж, сэргээн засварлахаар ажиллаж байна. Өнөөдрийн 14.00 цагт үйл ажиллагаа хэвийн болох аж. Харин хохирлыг 7-14 хоногт судалж, тооцоолох юм байна.