Монголбанкны Ерөнхийлөгч Б.Лхагвасүрэн тансаг хэрэглээний импортыг хязгаарлах саналаа УИХ, Засгийн газарт хүргүүлж буй өчигдөр мэдэгдсэн. Түүний энэ саналыг Сангийн сайд Б.Жавхлан дэмжиж буй аж. Тэрбээр “Тооцооллыг харах хэрэгтэй. Ланд круйзер-300 машинд 500 гаруй сая ам.доллар төлж байна. Манай валютын нөөцөөс 500 гаруй сая ам.доллар гадагшилсан гэсэн үг. Ийм хүнд үед стратегийн гол бүтээгдэхүүний импортод онцгой анхаарах хэрэгтэй.

Уул уурхай, газар тариалангийн чухал хэрэглээнд багахан нөөцөө зарцуулах хэрэгтэй. Зарим нэг тэвчиж болох зүйл дээр бид эх оронч байх ёстой” гэсэн байр суурийг илэрхийллээ.

Мөн тэрбээр арилжааны банкууд долларын гүйлгээнд хязгаар тогтоосон нь авах ёстой арга хэмжээ. Валютын бага нөөцтэй, экспорт хангалттай гарч чадахгүй энэ үед валютын гүйлгээнд хязгаар тогтоохгүй бол улам хүнд байдалд орно гэдгийг хэллээ.