Баруун бүсийн эрчим хүчний хангамжийг сайжруулах, хэрэглээний өсөлтийг хангах зорилгоор Ховд гол дээр Эрдэнэбүрэнгийн усан цахилгаан станцыг барихаар төлөвлөж буй. Системийн тохируулга хийх чадамжтай, 90 мВт-ын хүчин чадалтай тус станцын барилгын ажлыг эхлүүлэхэд бэлэн болжээ.  

Цэвэр ус, гадаргын усны нөөц харьцангуй багатай, хуурай уур амьсгалтай манай оронд Эрдэнэбүрэнгийн УЦС нь гадаргын цэвэр ус хуримтлуулах экологийн ач холбогдолтой юм.

Эрдэнэбүрэнгийн усан цахилгаан станц төслийн нийт өртөг нь 271 сая ам.доллар бөгөөд БНХАУ-ын хөнгөлөлтөөр зээлээр 95 хувийг, улсын төсвөөс 5 хувийг санхүүжүүлнэ. Төслийн барилга угсралтын ажлын ерөнхий гүйцэтгэгчийг шалгаруулж, гэрээ байгуулаад байна. Одоо зээлийн тусгай хэлэлцээр эцэслэгдвэл барилгын ажлыг эхлүүлэхэд бэлэн, бэлтгэл бүрэн хангагдсаныг Эрчим хүчний сайд Н.Тавинбэх мэдлээллээ.

Б.Хэрлэн